Robin Lee

jetzt scho Gschänkli

admin — Sun, 14 Dec 2008 20:32:19 +0000

De Götti Roger isch scho de Bescht!
Han jetzt scho mis Geburtstagsgschänk becho, wil er über Wiehnacht und Neujahr uf Dubai gaht. Das seg schiins ganz wiit wiit weg vo da.

Und morn dänn setz ich die Ritterburg mit em Papi zäme. Das wird so cool…

so schnell vergeht die Zeit

pat — Fri, 07 Dec 2007 20:31:37 +0000

und wieder ist ein Jahr vorbei! Jetzt geht es nicht mehr lange und ich habe Geburtstag, Ich werde schon 5 Jahre alt und bin schon so gross geworden! Seit August gehe ich in den Kindergarten! Ist u lässig dort…es gefällt mir sehr gut! Gestern ist noch der Samichlaus bei uns vorbei gekommen, und ich habe wieder mal zuviel gelabert hat der gesagt…hmmmm… Und bald bekomm ich ganz viele Geschenke, hab die nämlich im Keller schon gesehen. Mami hat die aber gar nicht gut verseckt…ztztztz

Geburtstag

pat — Thu, 21 Dec 2006 20:31:07 +0000

Jetzt bin ich 4i worde und gli gahn ich in Kindergarte.
Scho isch wieder es Jahr ume und ich chan Geburri fiire. Han s’Mami und de Papi au scho ganz früeh hüt am morge gweckt das ich au ganz schnäll chan Gschänkli uspacke. Wow, und s’Mami hät alles so schön dekoriert und en tolle Geburtstagskueche mit Smaries han i au übercho….super! Hüt Namittag chömed no mini Kollege zum e chli go spiele und min Geburtstagskueche ässe….und am Abig chunt dänn no d’Nana und de Grosspapi und au no de Pierre mit em Thomas verbii. Und sogar d’Vivi chunt au no…phuuu, da han ich’s aber sträng!

Min Zah isch weg…

pat — Fri, 29 Sep 2006 20:30:38 +0000

Ich bin je s’letscht Jahr ab em Riitiseili gheit und han mit bi beide Vorderzäh d’Egge abgschlage.
Bin natürlich grad zum Zahni gange aber de hät gmeint da chöngi mer nüt mache. Bis jetzt isch au alles guet gsii, han zwar scho mal e chli entzündet gah, isch dänn aber wieder guet worde. Doch sit e paar Tag die Wuche isch alles so rot gsi und s’Mami hät gmeint das gfalli ihre gar nöd! Mir isch das eigentlich gliich gsi. Aber ebe, wänn s’Mami meint me müessed das am Zahni go säge…sind mer halt gange. Und dä hät gmeint de müessi mer usezieh, gsächi gar nöd guet us. Mache hät ers aber nöd well…hmmm. Bin dänn halt mit em Mami uf Züri gange.Cool isch au no gsii das de Papi ja au no grad mit cho isch; d’Kim natürlich au. D’Frau Zahni isch ganz e netti gsii, die hät mer sogar so e komischi Maske ufgsetzt zum go tauche gah. Han dänn ganz vill gredet mit dere Frau und has no luschtig gfunde. Weniger lässig han i gfunde wo’s mi im Muul e so pickste hät, aber dänn isch es au scho verbii gsi und de Zah isch dusse gsi. Und cool isch au no das i de zah han dörfe hei näh und es Föteli vom neue Zah han i au grad no über cho. Hät mi aber a gurkt das i nachhär nöd han chöne in Mac.

Hochzeit 19.August 2006

pat — Sat, 26 Aug 2006 20:29:32 +0000

endlich war es soweit…
und der grosse Tag für Mami und Papi war da! Ich durfte schon am Tag vor der Kirche bei Nana und Grosspapi schlafen. Natürlich hab ich auch meine kleine Kimi mitgenommen. Habe fleissig mit Mami und Brigitte in der Kirche geübt wie ich laufen muss und wie ich die Blüemli streuen muss…das war ganz schön anstrengend,phuu! Papi hat auch nicht zu hause geschlafen, der musste bei Landis bleiben und Mami blib ganz alleine zu Hause, warum , hab ich auch nicht verstanden,tz! Bilder dazu könnt ihr auch hier mal anschauen: http://www.pbase.com/uese/c_p_wedding

Hochzeit

pat — Sun, 14 May 2006 20:28:52 +0000

am 04.05.06 händs s’Mami und min Papi im Stadthus in Züri ghürate.Isch voll lässig gsii, hän nämlich au dörfe öppis schöns a legge! Und s’Mami und de Papi erscht, die händ sich u schön useputzt Es sind gaaaaanz vill Lüt cho, han sogar die meischte kännt! Und im Trauigszimmer han ich dänn am Papi und am Mami dörfe d’Ring gäh.Bin nämlich ganz en brave gsi.Han drum nachher dusse wo’s no öppis z’ässe gäh hät au grad alli Nüssli in Brunne inegschmisse…und wow, die ville Konfetti wos gah hät, han i am Baschi grad über de Chopf gstreut. Wo alli dänn gnueg trunke gah händ bin ich dänn mit minere Kim zu de Nana und em Grosspapi hei und han dete dörfe schläfe.S’Mami und de Papi sind mich und mini Kim dänn am nächschte Morge wieder go hole,han mi u gfreut! Bin ganz fescht stolz und finds u cool das mer ghürate händ, han ja dä Papi ghürate, nämlich…..

Jetzt bin ich scho 15,5 Kg schwer und 95 cm gross

pat — Tue, 21 Mar 2006 21:24:04 +0000

Au mini Füess sind gwachse, han jetzt nämlich scho Gr.25.

De Gips isch weg…

pat — Thu, 09 Mar 2006 20:28:15 +0000

Jetzt han ich de Gips fäscht 5 Wuche müesse träge und hüt han ich ändlich chöne in KiSpi chöne das Ding go wegnäh.Ich han natürlich no genau gwüsst wo anegah, will ich ja s’letschte mal mit em Grosspapi dete gsi bin. Es isch ganz e netti Frau cho wo mir de Gips weg gnoh hät.Es hät gar nöd weh gmacht.Dänn sind mer go röntge und nachhär sind mer s’Föteli vo mim Bei de Frau Dokter go zeige.Die isch au u nett gsi und hät gseit es segi alles in Ordnig.Nu dörf ich jetzt die nächschte 2 bis 3 Mönet nöd umegumpe, das wäri nöd so guet für mis Bei.Aber im Momänt wet ich eh nonig umelaufe und ich tuen mich no chli schwer demit..aber isch ja logisch,weisch,bin ja au sooo lang nöd umegloffe.Freu mi aber total wieder zum id Spielgruppe gah, und Velofahre, und umeränne, und am Mami devoränne wänn mer gönd go poschte, und das ich bald mit em Papi wieder ufs Baseball-Fäld dörf und und und und….

Mis Schwöschterli isch da!

pat — Mon, 13 Feb 2006 20:21:46 +0000

Endlich isch d’Kim uf d’Wält cho
Lang, lang han i müesse warte, aber endli han i jetzt au es Schwöschterli! Si isch am 10.Februar 2006 früeh am Morge am 2:50 uf d’Wält cho, isch 3.2 Kilo schwer und 48cm gross gsi. Ich han si au scho bsuecht und i d’Arme gno! Ich freu mich jetzt scho total mit ihr zäme im Sandchschte z’schpiele.

De Robin mit em Gipsbei…

pat — Mon, 06 Feb 2006 20:20:22 +0000

das hät jetzt grad no müesse passiere….
Am Friitig am 3. Februar hät de Robin bin spiele sich s’Schiibei broche…mir sind dänn natürlich grad Notfallmässig is KiSpi uf Züri graast und händ dete au gar nöd e mal sooo lang müesse warte und de Robin hät grad e provisorischi Schine übercho.Klar häts au no anderi Chind gha und mir händ dänn mit em Robin e chli müesse warte bis er grönget worde isch.i de Zwüschetzyt hät er au öppis gäge d’Schmerze überch.Er isch au mal i gschlafe will er au scho de ganzi Tag nöd gschlafe hät.Dänn nach e chli warte isch dänn d’Ärztin cho go s’Röntgebild go zeige und me hät guet gseh wie s’Schiibei broche isch.Das heisst jetzt für die nächschte 4 Wuche en Vollgips träge vo de Zehe bis zum Oberschänkel.4Wuche nöd umelaufe und nöd belaschte…. Das heisst vill Fernsehluege, was am Robin natürlich gfallt…. Mir versueched jetzt s’Beschti druus z’mache da ebe au s’Schwöschterli vom Robin a gmäldet isch für i 4 Wuche…me hoffet s bliibt jetzt no schööööön die 4 Wuche im Buch vom Mami. Hüt,3 Tag nach dem das passiert isch, gaht’s am Robin ganz guet.Er gnüüsts das er so verwöhnt wird, soooo vill Fernsehluege chan und das er im Bett vom Papi und vom Mami schlafe dörf! Föteli vom Robin mit Gipsbei gits i de Galerie zum a luege!